Како дел од стратешката иницијатива „Инженерот на прво место“, Комората продолжува со обезбедување конкретни придобивки и поддршка за професионалниот развој на своите членови.
Во периодот од 11 до 15 мај 2026 година, членовите на Комората на овластени архитекти и овластени инженери ќе имаат можност да користат специјална промотивна понуда за Autodesk софтвер, со попуст од 25% во однос на стандардните цени во Македонија.
Промотивната понуда се однесува на повеќе Autodesk производи, вклучително и пакетот „Autodesk Architecture Engineering & Construction Collection“, кој покрај AutoCAD и Revit, содржи и дополнителни апликации и алатки како: Civil 3D, Advance Steel, 3ds Max, Autodesk Forma, Autodesk Docs, Navisworks Manage, Insight, ReCap Pro, Robot Structural Analysis Professional и други.
За повеќе информации во врска со понудата, заинтересираните членови може да се обратат директно до Smart Solutions.