Вебинар на тема „Основни начела на монтирање и контрола на системите за сува градба“

На 9 март 2023 година, со почеток во 13 часот, ќе се одржи вебинар на тема „Основни начела на монтирање и контрола на системите за сува градба“. Ова е второ од серијата предавања кои ќе одржат во наредниот период како резултат на продлабочената соработка на Комората на овластени архитекти и овластени инженери и компанијата КНАУФ.

На вебинарот ќе бидат разработени следните теми:

• Типови на профили во сувата градба;
• Типови на гипсени плочи и подрачје на примена;
• Технологии и нивоа на обработка на споеви во сувата градба;
• Основни системи на преградни ѕидови (статика, естетика, градежна физика);
• Основни системи на спуштени тавани (статика, естетика, градежна физика);
• Основни системи на ѕидни облоги (статика, естетика, градежна физика);
• Изолациски материјали во системите и контрола на пародифузијата;
• Нормативи на пресметка и наплата на елементи во сувата градба.

Стручното предавање е организирано во соработка со компанијата КНАУФ.

Информации за настанот:

Дата и час: 9 март 2023 година, во 13 часот
Место на настанот: Он-лајн