На третата средба на Архитекти и Архитекти Урбанисти, одржана во Битола на крајот на 2024 година, специјален гостин беше Кристоф Најдовски – Французин со битолски корени и актуелен заменик-градоначалник на Париз. Тој сподели инспиративна приказна за тоа како Градот на светлината, за само две децении, успеа да го преполови бројот на автомобили и да се трансформира во одржлив, зелен и хуман град, исполнет со паркови, чист воздух и урбана хармонија.

Повеќе: Човекот што му подари зелени бели дробови на Париз

Комората ја пренесува информацијата за онлајн настан за обука развиен од истражувачкиот тим ETHER со финансиска поддршка на проектот Engineers 4 Europe (E4E). Целта на овој курс е да им се помогне на инженерите да ги развијат своите професионални компетенции и да се овозможи соработка со инженерски едукатори, претставници од сектори за човечки ресурси во градежната индустрија, инженерски здруженија, федерации и сл.

Настанот ќе се одржи на 6 Февруари 2025 година и можете да се регистрирате на следниот линк. 

Повеќе: Онлајн настан за обука на инженери од проектот „Engineers 4 Europe“

Комората ја пренесува информацијата од ECCE – Европскиот совет на градежни инженери за претстојниот вебинар организиран од Националниот совет на инженери (CNI - Италија) кој ќе се одржи на 31 јануари 2025 година од 9:00 до 12:30 часот на тема: „Учење од терен- Најдобри практики за рехабилитација и појачување на армиран бетон“. 

Повеќе: Вебинар за градежни инженери на тема „Учење од терен- Најдобри практики за рехабилитација и...

На 28 Јануари 2025 година, во просториите на Комората, помеѓу овластените лица – г-ѓа Кристинка Чулак, Претседателката на Комората и г-дин Џеват Селами, Директорот на Дирекцијата за заштита и спасување на Република Северна Македонија беше потпишан Меморандум за меѓусебна соработка.
Целта на овој меморандум е двете институции заеднички да делуваат во интерес на реализација на активности кои се однесуваат особено на:
- Реализација на едукативни настани на теми поврзани со противпожарното инженерство и заштитата и спасувањето, со посебен аспект на цивилната заштита и заштита од пожари.

Повеќе: Потпишан Меморандум за соработка помеѓу Комората и Дирекцијата за заштита и спасување

На 23 јануари 2025 година, во просториите на Комората на овластени архитекти и инженери, се одржа свечена промоција на најновата книга на д-р Петар Николовски, дипл. инж. арх., насловена „Хронологија на развојот на стандардизацијата, на регулативата за енергетска ефикасност, на едукацијата и на медиумската популаризација“. Настанот привлече голем број архитекти, инженери, професори, студенти и други професионалци од областа на енергетската ефикасност и градежништвото.

Повеќе: Промоција на книгата „Хронологија на развојот на стандардизацијата, на регулативата за енергетска...