Комората како членка на ИКОМОС Македонија ја пренесува објавата за симпозиумот ICOMOS CIF 2023 кој ќе се одржи на 12-ти и 13-ти октомври 2023 година во Атина (Грција), организиран во соработка со ICOMOS Hellenic и со покровителство на Националниот технички универзитет во Атина. Темата на симпозиумот која ќе биде елаборирана првиот ден е со наслов „Дизајн, образование и обука за зачувување на изграденото наследство“, додека вториот ден е резервиран за посета на Акропол.
Меѓународниот научен комитет за образование и обука на ИКОМОС (CIF) истражува и промовира меѓународна соработка во областа на образованието и обуката за разбирање, заштита, конзервација и управување со изграденото наследство, историските места и културните предели. Работи на унапредување на поголемото разбирање на таквото наследство и соодветните пристапи, интервентни критериуми, технологии и управување за негово зачувување.
Присутните ќе имаат ексклузивна можност од „прва рака “ да слушнат делови од методологијата на конзерваторските работи на Акропол.