Во рамките на European Western Balkans Joint Fund и Проектот Western Balkans Regional Energy Efficiency Programme REEP Plus (Albania, Bosnia and Herzegovina, Croatia, North Macedonia, Kosovo, Montenegro and Serbia), меѓународна техничка работна група со учество на експерти од Англија, Шпанија, Грција, Хрватска, Србија и тројца локални експерти од Македонија, ги изработи двете нови нацрт верзии на македонските правилници, Правилник за енергетски карактеристики на згради и Правилник за енергетска контрола на згради, како подзаконска регулатива на Законот за енергетска ефикасност на згради.
Комора на овластени архитекти и овластени инженери организира презентација на двата правилника од страна на двајца наши колеги кои во периодот од јуни 2020 до април 2023 година работеа во состав на меѓународниот екпертски тим.
Презентери се д-р Петар Николовски, дипл. инж. арх. и Драган Блажев, дипл. ел. инж., МБА (магистер по бизнис администрација).
Содржина на презентацијата е:
- Теоретска информација за содржините на двата правилника.
- Информација за практична употреба на Правилникот за енергетски карактеристики на згради од аспект на актуелната реалност во Македонија и можноста барањата од Правилникот да се исполнуваат без поголеми проблеми. За таа цел, фокус во овој дел на презентацијата е кратка „Студија на случај“ во која се анализира реална зграда во Скопје изградена во периодот 2020 – 2022, но според новиот Правилник и со математичка процедура за креирање Сертификат за енергетска и еколошка оценка на зградата. При тоа главна алатка е т.н. „виртуелна зграда“, креирана како референтна.
