Регионалната средба на архитекти и инженери е планирано да се одржи во просториите на Амфитеатар на УИНТ „Св.Апостол Павле“ – Охрид  на 22.03. 2025 година (сабота) со почеток од 11:00 часот.

Со задоволство Ве покануваме на 2-та регионална средба  на архитекти и нженери во 2025 година, која ќе предходи на настанот „Начинот на Чипан“: изложба + дискусија + публикација. На собирот се поканети сите заинтересирани архитекти и инженери, активни членови на Комората од Западниот Регион и пошироко.

Организирањето на целодневен настан е со цел  да се одбележи јубилеј - 70 години од изградбата на објектот на Феријалното одморалиште во Охрид и објавувањето на книгата „Стара градска архитектура во Охрид“ под авторство на Борис Чипан како и презентација на конкурсните проекти од неодамна спроведениот интернационален архитектонски конкурс „Наутички клуб – Охрид“.

На препладневниот дел од настанот покрај формалните воведни обраќања, ќе бидат презентирани Ценовникот за инженерски услуги за високоградба и Тарифникот за урбанистичко планирање, ќе се отвори дискусија по однос на нивната примена како и  за предизвиците со кој секојдневно се соочувам во професијата на централно и регионално ниво.

Регионалната средба со колегите архитекти и инженери се организираат со цел да се приближи КОАИ до широкото членство, а со тоа и да се отвори можност за дебата помеѓу членството и раководството на Комората на теми кои ги засегаат архитектите и инженерите.

АГЕНДА за РЕГИОНАЛНАТА СРЕДБА/ претпладне/

Место: Амфитеатар на УИНТ „Св.Апостол Павле“ - Охрид

10.30 – 11.00      Регистрација на учесниците

11.00 – 11.15      Поздравно обраќање (Кристинка Чулак, Претседател на КОАИ)

11.15 – 12.30      Ценовник за инженерски услуги и Тарифник за урбанистичко планирање

12.30 – 13.30      Дискусија по однос на нивната примена како и  за предизвиците со кој секојдневно се   соочувам во професијата на централно и регионално ниво.  

13.30 – 14.00       Коктел и неформално дружење

АГЕНДА за НАСТАНОТ „НАЧИНОТ НА ЧИПАН“ / вечерен настан/

Место: НУ Центар за култура „Григор Прличев“ - Охрид

17:45 – 18:00  Влез

18:00 –  Панел дискусија: 1955 г. : Архитектонското наследство како основа за современо проектирање

19:00 – Изложба

19:30 – Панел дискусија: 2025 г.: Што со модернистичкото наследство денес? Архитектонскиот конкурс како алатка

20:30 – Изложба

*Влезот  за вечерниот настан „Начинот на Чипан“ е слободен а подетални информации можете да прочитате во прилогот изготвен од тимот на АРХРИД (преземи)