17ти Симпозиум на Друштвото на градежни конструктори на Македонија (ДГКМ 2017) ќе се одржи од 4 до 7 Октомври, 2017 во Охрид, Македонија. Симпозиумот ќе се фокусира на прашања од областа на градежното конструкторство, со посебен акцент на однесувањето на градежните конструкции при дејство на инцидентни влијанија и природни катастрофи, како: земјотреси, екстремно високи и ниски температури, пожари, ветер, експлозии, поплави, лавини, одрони, лизгање на тлото и сл. Главна цел на симпозиумот е да обезбеди форум, каде домашните и странските учесници ќе можат да разменат знаење и идеи за најновите научни достигнувања и практики, поставувајќи насоки за идни истражувања и соработки во областа на
градежништвото. Повикани се да учествуваат сите градежни конструктори и студенти, како и истражувачи од сродни области.

Тема на симпозиумот: ПРИРОДНИ КАТАСТРОФИ И КОНСТРУКЦИИ
Главни теми

 Асеизмичко проектирање на конструкции
 Конструкции отпорни на пожар и експлозии
 Климатски влијанија врз конструкции, како екстремно високи или ниски температури и ветер
 Влијанија на клизишта, лавини и поплави врз конструкции
 Превенција од катастрофи и ублажување на последиците врз градежните објекти

Останати теми
 Теориски и експериментални анализи на конструкции
 Современи методи за проектирање на конструкции
 Еврокодови и Национални анекси
 Современи техники за изведба на конструкции
 Современи материјали и технологии, предуслов за одржлив развој
 Доверливост, робусност и трајност на конструкциите
 Испитување, одржување, зајакнување и санација на конструкции
 Инфраструктурни објекти
 Други теми поврзани со градежното конструкторство
Во рамките на Симпозиумот, во соработка со Комората на овластени архитекти и овластени инженери на
Република Македонија, ќе се одржи тркалезна маса на тема “Законот за градење и потребите од негови
измени и дополнувања“. Втората тркалезна маса на тема “Имплементација на Регулативата за
градежни производи – CPR 305-2011” ќе биде организирана во соработка со CEN-Европскиот комитет за
стандардизација.