Локација: Градежен факултет при УКИМ | Град: Скопје, Македонија
Краток вовед во презентациите и инфо за предавачите
Енергетската ефикасност на објектите и законската регулатива – Презентацијата дава краток осврт на македонската и на европската регулатива каде се истакнува нејзината важност за правилна имплементација на истата и добивање на саканите ефекти. Примената на енергетската ефикасност на новите и старите објкети и важноста на изборот на материјали како битен елемент во идната енергетска одржливост на Република Македонија како земја увозник на енергија.
М-р Блашко Димитров, дипл. град. инж. е претседател на Комората на овластени архитекти и овластени инженери, со работно искуство повеќе од 35 години. Учесник е во проектирање, ревизија, изведба и надзор на повеќе објекти во Република Македонија, од кои позначајни се РОЦ Тораница, ХЕЦ Козјак, ХС Лисиче, ХЕЦ Св. Петка, ФЕНИ и др. Учесник е со свои трудови на повеќе од 20 меѓународни конгреси од областа на градежништвото.
Доц. д-р инж. Иван Тодоров, декан на факултетот "пожар и заштита на населението" на Академијата на Министерството за внатрешни работи, е искусен експерт од областа на противпожарната заштита со преку 100 научни публикации во Бугарија и во странство.
Проф. Д-р Дубравка Бјеговиќ, редовен професор на Градежниот факултет при Универзитетот во Загреб, Република Хрватска и поранешен Декан на факултетот, како и помошник на генералниот директор на Хрватскиот институтот за градежништво IGH, Претседател на Научниот одбор на Хрватскиот институтот за градежништво IGH и Раководител на последипломски специјалистички студии по пожарно инженерство.
инж. Бойко Димитров Пенев
Дипломирал на Универзитетот на градежништво, архитектура и геодезија - Софија, Градежен факултет, отсек "Индустриско и градежништво ", моментално Продукт менаџер во "КСЕЛА Бугарија" ДООЕЛ.
Проф. Д-р Мери Цветковска е редовен професор на Градежниот факултет при Универзитетот Св. Кирил и Методиј во Скопје, како и визитинг професор на Градежниот факултет при Универзитетот во Подгорица, Црна Гора и на Факултетот за технички науки при Универзитетот во Нови Сад, Србија, за предметот “Пожарна отпорност на конструкции”. Цветковска е моментален Проректор за меѓународна соработка на Универзитетот Св. Кирил и Методиј во Скопје.