Џејн Томпсон, експерт за заштитата на архитектонско наследство и основач на Instead Heritage,  и Проф. д-р Дивна Пенчиќ, професорка на Архитектонскиот факултет, при Универзитетот Св. Кирил и Методиј во Скопје, ќе учествуваат на Четвртата Годишна средба на архитекти и архитекти урбанисти.

Во своето излагање со наслов „Регионот на Охридското Езеро: долговечноста на човечките населби во кризен момент“, Џејн Томпсон ќе се осврне на физибилити студијата од 2025 година за планирање на крајбрежната зона на Охридското Езеро во Република Македонија и претставува дел од прекуграничната светска културна и природна наследна област „Природно и културно наследство на Охридскиот регион“.

Студијата е изработена по нарачка на Регионалното биро на УНЕСКО за наука и култура во Европа и партнерските агенции на ООН – УНЕП и УНДП, а на барање на Република Македонија.

Во овој проект, Џејн Томпсон има водечка улога и го предводи тимот на експерти. Проф. д-р Дивна Пенчиќ, како член на експертскиот тим, ќе го даде воведот во излагањето.

Џејн Томпсон поседува повеќе од две децении практично искуство на терен од една страна, и истражувања на меѓународно ниво, работа на политики и иницијативи за развој на капацитети во секторот за културно наследство, од друга страна. Како консултант на ИКРОМ, таа е ко-автор на повеќе значајни документи за Светското наследство, меѓу кои: Политиката за одржлив развој (2015), УНЕСКО-раководството за менаџмент (2013) и Стратегијата за развој на капацитети (2011).

Во 2014 година ја презема улогата директор на курсот за управување со наследство на Универзитетот Бочони, а во исто време ја добива и првата од неколкуте високи советодавни позиции во Италијанското Министерство за култура.

Покрај својата тековна улога во водењето на Проектот за конзервација на Херкуланеум, таа како основач на Instead Heritage активно консултира објекти на Светското наследство ширум светот.

Проф. д-р Дивна Пенчиќ е урбанист и универзитетски професор со долгогодишно искуство во урбанизмот и одржливиот урбан развој. Дипломира, магистрира и докторира на Архитектонскиот факултет во Скопје, каде што од 1998 година активно предава.

Професионалната кариера ја започнува во студиото на познатиот архитект Џенгиз Бекташ во Истанбул, а продолжува во „Флуид Проект“ во Скопје, а како експерт за урбанистичко планирање учествува во бројни национални и меѓународни проекти поддржани од институции како UNDP, UN-Habitat, Хабитат Македонија и локалните самоуправи.

Пенчиќ е препознатлива по својот професионализам, посветеност и значаен придонес во развојот на современиот урбанистички дискурс.