Комората на овластени архитекти и овластени инженери подготвува Регионална средба на архитекти и инженери која ќе се одржи во Гостивар на 02.03.2024 година (сабота). Агенда и регистрација
Во рамките на Регионалната средба ќе бидат спроведени обуки за Ценовникот за инженерски услуги за високоградба и Тарифникот за урбанистичко планирање. Покрај тоа, ќе биде отворена дискусија за предизвиците во професијата на централно и регионално ниво. Регионалната средба со колегите архитекти и инженери од западниот регион се организира со цел да се приближи КОАИ до широкото членство, а со тоа и да се отвори можност за дебата помеѓу членството и раководството на Комората на теми кои ги засегаат архитектите и инженерите.
Комората како членка во Светската федерација на инженерски организации (World Federation of Engineering Organizations - WFEO) ја пренесува информацијата за Светскиот ден на инженерството.
На ден 08.02.2024 година (четврток) во салата на Комората, реномираната компанија „Гардиан Глас“ како пионер во одржливи и ефикасни решенија за станбени згради во соработка со „Викториа Глас“ одржа презентација насловена како „Застаклување во станбени згради - предизивици и реализации“. Презентацијата ги акцентираше предизвиците и решенијата како одговор екстремните топлотни бранови во Централна Европа наспроти традиционалниот фокус на енергетската ефикасност во зима.
Комората го проследува Јавниот оглас за избор на членови на Партиципативно тело за урбанизам на Град Скопје, којшто е отворен до 21 Февруари 2024 година.
Европската соработка во науката и технологијата (COST) е организација за финансирање за создавање на истражувачки мрежи, наречени COST Actions. Овие мрежи нудат отворен простор за соработка меѓу научниците низ Европа (и пошироко) и на тој начин даваат поттик за напредокот во истражувањето и иновациите. 
