Почитувани членови на  Комората,

Ви доставуваме работна верзија од Нацрт Законот за просторно и урбанистичко планирање кој е доставен од страна на Државниот инспекторат за градежништво и урбанизам, а во кои се водело сметка на забелешките на работната група К0 од Комората формирана согласно Акцискиот план за реформа на законодавството од областа на планирањето и градењето.

Сите забелешки на нацрт верзијата на законот ве молиме да ги доставите на следните е-маил адреси најдоцна до 15 мај 2018, до 16 часот:

Повеќе: Работна верзија од Нацрт верзија на Законот за просторно и урбанистичко планирање

На 26 април 2018 година во Комората се одржа предавање организирано од одделението на сообраќајни инженери на тема „Изработка на вертикална сообраќајна сигнализација“. Предавањето го отвори претседателот на Комората проф. д-р Димитровски, а истото предизвика поширок интерес, па така присутни гости имаше и од Град Скопје, Министерството за внатрешни работи како и од други институции во Македонија кои имаат ингеренции во оваа проблематика.

Повеќе: Се одржа семинарот на одделението на сообраќајните инженери на тема „Изработка на вертикална...

Во Подгорица, Црна Гора на 11.04.2018 година се одржа редовната пролетна седница на Инженерската иницијатива за регионална соработка, на која присуствуваа претставници од Хрватската комора на градежници, г-дин Мирко Орешковиќ, Жељко Соколиќ и Иван Пашка, потоа претставници на Хрватската Комора на електро инженери, г-дин Жељко Матиќ и претставник на македонската Комора на овластени архитекти и овластени инженери, проф. Миле Димитровски.

На седницата посебен акцент е ставен на постигнатите резултати од програмските проекти во ИИРС како и идното делување во рамките на ИИРС.

Линк: http://www.ingkomora.me/ikcg_sajt/site_cg/public/index.php/index/kategorija?id_kategorija=1

За време на дводневната научна конференција GREDIT 2018, во сесијата Green smart cities/societies – green architecture, landscape design and transport на 24 март 2018 се одржа и претпромоција на книгата „Градови за луѓе“ од Јан Гел

На линкот можете да ја преземете презентацијата од промоцијата

Во периодот од 22-25 март 2018 на Технолошко-Металуршкиот факултет во Скопје се одржа дводневната научна конференција GREDIT 2018. Ова е втора конференцијата во организација на Балканската асоцијација за животна средина (БЕНА).

Потенцирање на важноста на зелените пристапи при управување со животната средина, преку планирање и имплементација/искористување на еколошките технологии и системи во одржливите Зелени инфраструктури, е цел на дводневната меѓународна научна конференција „GREDIT 2018“.

„Како одговорни членови на нашите заедници, препознаваме и разбираме дека наша е одговорноста да ги вложиме сите напори за постигнување Одржлив развој за нашите идни генерации. Плодовите на развојот, како што се модерните услови за живеење или практичните секојдневни добра, можеби сега се „слатки“, но најверојатно ќе станат „кисели“ доколку продолжиме да ги деградираме животната средина и природните ресурси, како што се квалитетот на воздухот, водата и почвата.

Повеќе: Во Скопје се одржа втората меѓународна научна конференција GREDIT 2018