Во рамките на „Геотехнички денови на Комората“ во организација на Одделението за геотехника, на 12 октомври 2023 година од 12 до 16 часот, во салата на Комората, се одржa еднодневна обука/стручно предавање на тема "Геосинтетички зајакнувања на почви (армирана земја) во транспортната инфраструктура". На почетокот се обрати Претседателката на Комората М-р Кристинка Чулак која ги поздрави присутните и им посака успешна работа, по неа и проф. д-р Јосиф Јосифовски кој даде краток вовед за изборот на темата и значењетo на геосинтетиците во геотехничното инженерство, по што започна официјалниот дел на обуката. 

Повеќе: Одржана презентација - „Геосинтетички зајакнувања на почви (армирана земја) во транспортната...

Евалуацијата на изложените архитектонски трудови на двете Биеналиња на македонска архитектура доби свечена завршница на 29 септември во 19:30 часот во Музејот на современата уметност, со доделување на најпрестижните награди од областа на архитектурата во Република Северна Македонија. За волуменот на наградите зборува и самиот состав на жири комисиите, кои беа составени од еминентните архитекти, каде меѓу останатите беа и професорите Д-р Зорица Блажевска, Д-р Мартин Гулевски и Претседателката на Комората М-р Кристинка Чулак. Тие имаа една комплексна задача, да од мноштвото исклучителни трудови, преку процесот на селекција и наградување директно да ја покажат насоката во која треба да се движи современата македонска архитектура.

Повеќе: Доделени наградите на БИМАС XX и XXI

Во деновите 28 и 29 Септември се одржа - 20 Симпозиум на Друштвото на градежни конструктори на Македонија. Овој исклучителен настан беше поддржан од Комората на овластени архитекти и овластени инженери во својство на коорганизатор. На тој начин Комората ја остварува основната статутарна определба – грижа за континуиран професионален развој на своите членови, преку воспоставување и развивање на соработка со професионални организации и здруженија.

Зададената тема на дваесеттиот симпозиум  „Отпорни конструкции“ беше вистински инкубатор на идеите содржани во професионалните презентации од светските познати домашни и странски експерти. 

Повеќе: Одржан 20 Симпозиум на ДГКМ - „Отпорни конструкции“

Комората продолжува со голем интензитет на одржување на обуки за Еврокодови и во месец октомври 2023 година.

Спроведувањето на обуките на инженерите значи вистински придонес кон приближување на државата кон Европската Унија. Имплементацијата на стандардите на ЕУ во градежните конструкции не само што ќе значи проектирање и градење на побезбедни објекти, туку и создавање на домашен инженерски капацитет кој ќе може да биде рамноправен учесник на евроскиот, а со тоа и на светскиот пазар. Резултатите од посветеноста на Управниот Одбор на Комората на чело со Претседателката Кристинка Чулак, веќе се очигледни преку перцепцијата за зголемениот дигнитет на инженерската професија и истовремено достојната валоризација на инженерскиот труд. 

Повеќе: Обуки за Еврокодови - октомври 2023

На 2 октомври 2023 година во просториите на Комората се одржa стручно предавање насловено: „Презентација на биоинженерски мерки“, во организација на канцеларијата на УНДП во Скопје. Презентацијата беше поддржана од Министерството за животна средина и просторно планирање и Швајцарската агенција за развој и соработка. На почетокот се обратија Потпретседателот на Комората Дејан Метикош и проектниот менаџер на УНДП – Љубица Теофиловска. Швајцарското искуство за глобалните случувања во Биоинженерските мерки и можниот пристап за спречување на ризиците од катастрофи и управувањето со водните ресурси го пренесе г-дин Маркус Цимерман, консултантот на УНДП. Тој нагласи дека решенијата (мерките) засновани на природата ја користат моќта на здравите екосистеми за заштита на луѓето преку оптимизирање на инфраструктурата и заштитата со стабилна и биолошка разновидност. 

Повеќе: Одржана презентација за биоинженерски мерки - УНДП