77 Генерално собрание на Европскиот совет на градежни инженери се одржа од 5 до 7 октомври во Вилниус, Литванија. Нашата држава Република Северна Македонија во својство на делегат ја претставуваше проф.д-р Илиос Вилос дипломиран градежен инженер, кој е истовремено и заменик претседавач во Собранието на Комората. Во рамките на Собранието беше одржана и 14 интернационална конференција на тема: „Модерни материјали за градба структури и технологии”. За време на настанот Претседателот на ECCE г-дин Андреас Бранднер ја истакна важноста на доживотното учење за градежните инженери.

Повеќе: Одржано 77 Генерално собрание на Европскиот совет на градежни инженери (ECCE)

На 25.10.2023 година, со почеток во 12 часот, во просториите на Комората, Компанијата Saint-Gobain Isover одржa стручна презентација насловена Isover Technical Insulation (Техничка изолација Isover). Во рамките на стручната презентација, предавачот Иван Милосављевиќ, менаџер за техничка изолација за Србија, Босна и Херцеговина, Северна Македонија и Црна Гора ги претстави решенијата кои Isover ги има во областа на техничката изолација. 

Повеќе: Одржана стручна презентација Техничка изолација Isover од компанијата Saint-Gobain

Комората ја пренесува официјална покана за учество на престижен настан кој е предвиден да се одржи на 6 ноември 2023 година, во 12 часот во Конференциската сала во зградата на Ректоратот на Меѓународниот Балкански универзитет во Скопје. Настанот е организиран во чест на присуството на г-дин Дејвид Кусума, претседател на Светската организација за дизајн –WDO-, кој ќе одржи убедлив говор на тема „Развивање нови материјали и технологии за максимизирање на користичките корисници“. Меѓународниот Балкански Универзитет е член на Светската организација за дизајн, и се заложува за поттикнување на иновациите, одржливоста и извонредноста на дизајнот. 

Повеќе: Предавање на Дејвид Кусума Претседател на Светската дизајн организација

На 24 октомври 2023 година, со почеток во 12 часот, во просториите на Комората се одржa промоција на новата книга на д-р Петар Николовски насловена „Современи системи за оптимална енергетска ефикасност на згради“. Ова ново дело на д-р Николовски е комплементарно надополнување на неговиот опус на стручна литература наменета за инженерите на кои предмет на интерес им е енергетската ефикасност. Д-р Петар Николовски теоретски и практично се занимава со енергетска ефикасност и градежна физика повеќе од 50 години. Автор е на 14 книги од оваа област, а докторската дисертација на тема „Линеарни топлински мостови во згради во сеизмички региони" ја има одбрането во Софија, пред Специјализиран научен совет на Вишата атестациска комисија при бугарската Академија на науки.
Авторот на предговорот на книгата Кристинка Чулак, претседателката на Комората, во своето претставување на авторот на делото нагласи дека со публикација на книгата „Современи системи за оптимална енергетска ефикасност на згради“ се заокружува трилогијата заедно со двете досегашни книги на колегата д-р Петар Николовски во издание на Комората на темата енергетска ефикасност, а тоа се: „Каталог на линеарни топлински мостови во згради во сеизмички региони“ издадена во 2017 година и книгата „Градежна физика – Основа за енергетска ефикасност на згради“ издадена во 2021 година.

Повеќе: Одржана промоцијата на книгата „Современи системи за оптимална енергетска ефикасност на згради“ од...

По успешното завршување на трите претходни циклуса кои се спроведоа во текот на 2022/2023 година и во кои беа опфатени повеќе од 70 претставници од различни компании и оваа година како Комора ја продолжуваме соработката со Семос Едукација во насока на подобрување на конкурентноста на пазарот на трудот за примена и имплементација на BIM технологија при изработка на секојдневните проектни решенија. Искрено се надеваме дека ова позитивно влијае на подобрување на капацитетите на нашите компании во насока за полесна и побрза имплементација на овие решенија.

Повеќе: Четврт циклус ОБУКИ ЗА БИМ со попуст за активни членови на Комората