Во периодот од 22-25 март 2018 на Технолошко-Металуршкиот факултет во Скопје се одржа дводневната научна конференција GREDIT 2018. Ова е втора конференцијата во организација на Балканската асоцијација за животна средина (БЕНА).

Потенцирање на важноста на зелените пристапи при управување со животната средина, преку планирање и имплементација/искористување на еколошките технологии и системи во одржливите Зелени инфраструктури, е цел на дводневната меѓународна научна конференција „GREDIT 2018“.

„Како одговорни членови на нашите заедници, препознаваме и разбираме дека наша е одговорноста да ги вложиме сите напори за постигнување Одржлив развој за нашите идни генерации. Плодовите на развојот, како што се модерните услови за живеење или практичните секојдневни добра, можеби сега се „слатки“, но најверојатно ќе станат „кисели“ доколку продолжиме да ги деградираме животната средина и природните ресурси, како што се квалитетот на воздухот, водата и почвата.

Повеќе: Во Скопје се одржа втората меѓународна научна конференција GREDIT 2018

Во просториите на Комората на 7 март 2018 година, се одржа предавањето за модерни хидроизолациски системи за заштита на градежните конструкции. Гостин предавач беше Иван Роје, градежен инженер и технички директор на фирмата DRACO од Хрватска. Интересот за предавањето беше огромен, што се покажа уште при самата ргистрација каде 90 места се пополнија за еден ден. На предавањето учество земаа градежни инженери и архитекти со интерес во хидроизолациите.

Повеќе: Се одржа предавањето за модерните хидроизолациски системи

На 6 март 2018 година во Комората се одржа предавањето за телевизиски мрежи за индивидуални куќи, станбени згради и хотелски објекти. Настанот го посетија околу 70 инженери каде имаа можност да ги видат реалните проблеми при изведбата на телевизиските мрежи од страна на искусните предавачи од МАК-САТ. Настанот го одбележа квалитетното предавање и плоданата дискусија која продолжи и на пргодниот коктел после предавањето.

Повеќе: Одржано предавањето за телевизиски мрежи

Битола, 23 февруари 2018 година, се одржа повторното предавање за обука за ЕУ фондови и менаџмент во инженерство од страна на Институтот за истражување во животна средина, градежништво и енергетика. На предавањето својот интерен го прикажаа  околу 60 инженери и архитекти.

Предавачи беа д-р Ангелина Танева-Вешоска за менаџмент во инженерството и Сузана Касовска Георгиева за ЕУ фондовите.

Повеќе: Техничкиот факултет во Битола домаќин на предавањето „Обука за ЕУ фондови и менаџмент во...

Комората на овластени архитекти и овластени инженери на Република Македонија, на 18 декември 2017 одбележа 10 години од своето постоење.

„Архитектите и инженерите треба да создаваат иднина преку креирање нов технолошки поефикасен свет, но и да создадат подобри услови за работа и живот на граѓаните. Затоа, глобална водилка на понатамошниот развој е создавање автономна, модерна и ефикасна Комора, базирана на најдобрите искуства, традиција и стандарди на европските комори“, во свеото обраќање порача претседателот на Комората, професор д-р Миле Димитровски.

Повеќе: 10 ГОДИНИ КОМОРА НА ОВЛАСТЕНИ АРХИТЕКТИ И ОВЛАСТЕНИ ИНЖЕНЕРИ