Во просториите на Министерството за транспорт се одржа работна средба помеѓу заменик-премиер и Министер за транспорт Александар Николоски и Претседателот на Комората на овластени архитекти и овластени инженери Дејан Метикош.
На состанокот се дискутираше за низа значајни теми од заеднички интерес, со посебен фокус на подобрување на законската регулатива од областа на градењето, унапредување на нормативните решенија и воведување поефикасни процедури во сите фази на планирање и реализација на градежништвото.

Повеќе: Остварена средба во Министерството за транспорт

На 17 ноември 2025 година, во импресивниот амбиент на Словенската филхармонија во Љубљана, беше одбележан Денот на Инженерската комора на Словенија. Настанот собра бројни претставници на инженерската струка од Словенија и регионот и претставуваше можност да се истакнат најзначајните достигнувања во инженерството и да се потврди важноста на регионалната соработка меѓу инженерските комори.

Повеќе: Регионална инженерска соработка: Одбележан Денот на Инженерската комора на Словенија

Европскиот Совет на Инженерски Комори (European Council of Engineers Chambers - ECEC) го одржа своет 28-мо Генерално Собрание на 7 ноември 2025 година во Никозија, Кипар. Домаќин на настанот беше Кипарската Техничка Комора (ETEK), која исто така е членка на ЕСЕС.
На ова Собрание присуствуваа претставници од сите 17 земји членки на Европскиот совет. Тие се собраа за да разговараат за актуелните предизвици, да разменуваат идеи и да развиваат заеднички ставови за обликување на иднината на инженерската професија во Европа. Македонската Комора беше претставувана од м-р Кристинка Чулак, која е Потпретседател на ЕСЕС и Владе Гроздановски, Член на Надзорниот Одбор на ЕСЕС.

Повеќе: Одржано 28 Генерално Собрание на ECEC во Кипар

На 12 ноември 2025 година се одржа дваесет и деветтата седница на Централната изборна комисија, со единствена точка на дневен ред – следење на процесот на гласање за дополнителни делегати во Собранието на КОАИ за мандатниот период 2025–2029 година.

Повеќе: Одржана 29. седница на Централната изборна комисија на КОАИ

Почитувани членови на КОАИ,

Ве известуваме дека Централната Изборна Комисија донесе Термин план поврзан со завршување на постапките од изборниот процес за Изборите 2025-2029 во Комората. 

Врз основа на тоа, Централната Изборна Комисија информира дека:

• од 27.10. до 5.11.2025 година - се објавува Повик за доставување на кандидатури за избор на делегат во Собранието на Комората од одделение Геотехника за Регион 1, 2, 3, 4 и 5 (се избира еден делегат),
• од 27.10. до 10.11.2025 година - се објавува Повик за кандидатури за Раководители и Заменик раководители на професионални одделенија за Урбанистичко планирање и Животна средина,
• од 27.10. до 12.11.2025 година - се објавува повик за кандидатури за Потпретседател на Комората.

Кандидатурите за сите повици се доставуваат во архивата на Комората или се праќаат во електронска форма на Оваа е-адреса е заштитена од спамботови. Треба да ви е овозможено JavaScript за да ја видите., во предвидените рокови.

Со почит,

Централна изборна комисија
Председател,
Д-р Анастасија Трајковска

Повеќе: Информација и термин план за завршување на изборниот процес