Комората на овластени архитекти и овластени инженери на Република Македонија, на 18 декември 2017 одбележа 10 години од своето постоење.

„Архитектите и инженерите треба да создаваат иднина преку креирање нов технолошки поефикасен свет, но и да создадат подобри услови за работа и живот на граѓаните. Затоа, глобална водилка на понатамошниот развој е создавање автономна, модерна и ефикасна Комора, базирана на најдобрите искуства, традиција и стандарди на европските комори“, во свеото обраќање порача претседателот на Комората, професор д-р Миле Димитровски.

Повеќе: 10 ГОДИНИ КОМОРА НА ОВЛАСТЕНИ АРХИТЕКТИ И ОВЛАСТЕНИ ИНЖЕНЕРИ

Во рамките на соработката помеѓу Комората и Институтот за Истражување во животна средина, градежништво и енергетика ИЕГЕ се одржа предавање на тема „ЕУ фондови и менаџмент во инженерство“. Кратко обраќање имаше претседателот на Комората, проф.д-р Миле Димитровски, а потоа се продолжи со темите на д-р Ангелина Танева-Вешоска за менаџмент во инженерството и Сузана Касовска Георгиева за ЕУ фондовите.

Повеќе: Одржано предавањето на тема „ЕУ фондови и менаџмент во инженерство“

На 7 декември 2017 година, во Комората се одржа предавањето за сообраќајните инженери на тема “Проектирање на кружни раскрсници, велосипедски патеки и и употреба на симулации“. Предавачи на настанот беа истакнати професори од Факултет за градежништво, сообраќајно инженерство и архитектура од Марибор, Словенија:

• Проф. д-р Томаж Толаци, Марибор, Словенија
• Проф. д-р Марко Ренчељ, Марибор, Словенија
• Проф. д-р Матјаж Шремељ, Марибор, Словенија

  Повеќе: Одржано предавањето на тема ““Проектирање на кружни раскрсници, велосипедски патеки и и употреба...

На 17 Ноември  2017 год. во салата за конференции при Комората на ОАИ се одржа предавањето на тема:  “ЗАШТИТНА ОГРАДА - ЕВРОПСКИ СТАНДАРД EN1317 И ПРОБЛЕМИ СО ПРАКТИЧНА ПРИМЕНА.  Известување за предавањето беше пуштено на сите сообраќајни инженери од именикот на Комората кој брои 121 инженер. На предавањето присуствуваа 40 инженери, каде покрај сообраќајните инженери присутни беа градежни инженери со смер патишта и железници. Предавањето се одржа по планираниот протокол со кафе пауза на средина од предавањето. Задоволството и интересот  на инженерите беше видливо, бидејќи ваквите предавања овозможуваат и меѓусебно дружење и соработка на професионален план. По завршувањето на предавањето дел од присутните продолжија со дидскусија на темата со предавачот и беа поделени потврдите за присуство на настанот.

Повеќе: Одржано предавањето на тема „Заштитна ограда - Европски стандард EN1317 и проблеми со практична...

Претседавачот на Собранието на Комората Проф. д-р Миле Станковски на 9 ноември 2017 година, во свечена атмосфера го прими сертификатот за квалитет ИСО9001:2015. Сертификатот го додели г-дин Neil Baumann, Технички директор на сертификационото тело DAS SEE од Лондон. На настанот кратки обраќања имаа г-дин Neil Baumann, проф. д-р Миле Станковски и м-р Димче Атанасовски, генерален секретар на комората, одговорен за ИСО процесите. Во својство на имплементатор свое излагање имаше и Горан Саздов од Динамик консалтинг.

На настанот беа поканети да учествуваат претседателот и членовите на надзорниот одбор, претседателите и членовите на комисиите за одобрување на овластувања од сите професионални одделенија , членовите на дисциплинска и второстепена комисија.

Повеќе: Презентација на сертификатот за квалитет ИСО9001:2015 во Комората