На 2 ноември 2022 година, во просториите на Комората се одржа предавање за примената на БИМ технологијата во Словенија. На настанот со поздравен говор се обрати м-р Кристинка Радевски, претседател на Комората. Потпретседателот на Комората, Дејан Метикош, исто така, ги поздрави присутните и им се заблагодари на предавачите Матјаж Шајн и Петар Драгиќ од компанијата CGS Labs од Словенија за издвоеното време да го одржат ова предавање во Комората на маргините на Вториот Македонски конгрес за патишта кој се одржува на 3 и 4 ноември 2022 година во Скопје.

Повеќе: БИМ обука - искуства од Словенија

На 1 ноември 2022 година, во просториите на Комората на овластени архитекти и овластени инженери, во организација на Одделението на инженери по геотехника беше спроведена активноста „Геотехнички денови во Комората", оваа година во форма на еднодневна обука/стручно предавање на тема „Стабилизација на косини и контрола на ерозија за одржлива геотехника".

Повеќе: Одржана обука на тема Стабилизација на косини и контрола на ерозија за одржлива геотехника

На 20 октомври 2022 година, во хотелот „Александар Палас“ – Скопје, во рамките на проектот “SEEtheSkills” се одржа Тркалезна маса на тема: „Идентификување на потребните енергетски вештини за постигнување на целите на Зелената агенда“, на којашто професионалните здруженија и асоцијации дискутира за најбараните занимања кои се потребни, кои тренинг шеми недостасуваат и нивно взаемно признавање меѓу земјите, како и компарација на професионалните способности со цел подигнување на свеста за придобивките од енергетските вештини. На Тркалезната маса во име на Комората на овластени архитекти и овластени инженери присуствуваше Нада Брајковска, дипл. маш. инж, раководителка на одделението за Енергетска ефикасност.

Повеќе: Тркалезна маса на тема Одржливи енергетски вештини во градежништвото

Во организација на Здружението Македонски комитет за големи брани (ЗМКГБ) на 21 и 22.10.2022 година во хотел Оаза, Штип се одржа Втората Конференција за хидројаловишта. Комората на овластени архитекти и овластени инженери ја поддржа оваа Конференција. Инженер Александар Јанев, претстаник на Одделението на градежни инженери во име на Претседателката и на Управниот Одбор се обрати пред присутните на отворањето на собирот. Во продолжение можете да проследите извадоци од неговото излагање.

Повеќе: Одржана Втора Конференција за хидројаловишта

На 20 октомври 2022 година во конференциската сака на Комората беше промовирана книгата на д-р Петар Николовски, „Градежна физика - Основа на енергетска ефикасност на згради”, каде како издавач се јавува Комората на овластени архитекти и овластени инженери. На промоцијата беа присутни и рецензентите на книгата проф. д-р Александар Рајиќ од Белград, Република Србија и проф. д-р инж. Димитар Назарски од Софија, Република Бугарија. Поздравен говор на отварањето на настанот даде претседателот на Комората м-р Кристинка Радевски.

Повеќе: Промоција на книгата Градежна физика - Основа на енергетска ефикасност на згради