Во организација на Здружението Македонски комитет за големи брани (ЗМКГБ), во Струга, во периодот од 28 до 30 септември 2017 година, се одржа четвртиот конгрес за брани. За конгресот беа доставени 46 реферати, од кои 41 беа прифатени од Редакцискиот одбор да бидат отпечатени во Зборникот, а 34 беа избрани за говорна презентација на седум пленарни сесии. Меѓународниот редакциски одбор беше составен од еминентни професори во областа на хидротехниката, од Македонија, Словачка, Австрија, Романија, Словенија, Србија, Грција и Бугарија. Рефератите беа на македонски јазик (27) и на англиски јазик (14), а беа подготвени од автори од Македонија (28), Србија (6), Германија (1), Швајцарија (1), Словенија (1), Бугарија (1), Црна Гора (1), Хрватска (1) и од Косово (1).

Повеќе: Во периодот од 28 до 30 септември 2017 година во Струга, се одржа четвртиот конгрес за брани

Во периодот од 4-7.10.2017 год. во Охрид се одржа 17. Меѓународен Симпозиум на Друштвото на градежни конструктори на Македонија. Симпозиумот го поздрави и го отвори Министерот за транспорт и врски, г-дин Горан Сугарески.

Симпозиумот беше посветен на тема која одсекогаш била предизвик за градежните конструктори, а тоа е влијанието на природните катастрофи врз конструкциите. Природните катастрофи, како: земјотреси, цунами, лизгање на земјиште, поплави, суши, вулкански ерупции и сл. се предизвикани од природни сили.

Повеќе: Охрид беше домаќин на 17. Меѓународен Симпозиум на Друштвото на градежни конструктори на Македонија

Во Виена на 05.10.2017 се одржа Третиот инженерски ден организиран од ECEC, FEANI иECEC со тема перспективите на инженерската струка. На соборот свои излагања имаа преседателите  на трите организации,  а се одржа и тркалезна маса со дискусија  на која учествуваше и преседателот на КОАИ, проф. д-р Миле Димитровски.  Дел од заклучоците од настанот  и фотографии можат да се најдат на сајтот на ЕЦЕЦ, ФЕАНИ и ЕЦЦЕ. Покрај учеството на трибината направени беа и финални разговори со  претседателот на ЕЦЕЦ,  м-р Чртомир Ремец за последни подготовки  на агендата за 14 Генералното собрание на Европскиот Совет на Инженерски Комори кое ќе се одржи во Скопје на 20 и 21 Октомври 2017 година.

Повеќе: Потпишан меморандум за соработка помеѓу ÖАIV и КОАИ

На 22 септември 2017, Битола и Техничкиот факултет во Битола беа домаќини на семинарот со тема „Проектирање на еко - хотели“. Овој семинар се одржа во организација на Комората и одделението за животна средина, на барање група архитекти и инженери од битолскиот регион. Предавањето го отвори раководителот на одделението проф. д-р Христина Спасевска, а потоа во една одлична атмосфера продолжи м-р Славјанка Пејчиновска Андонова.

Повеќе: Битола домаќин на предавањето „Проектирање на еко-хотели“

На 25 и 26 септември 2017 година во Комората се одржа предавање на тема Правилник за мерките за заштита од пожар и експлозии. Предавањата беа организирани во 2 дена и тоа на првиот ден беа присутни сите заинтересирани инженери со овластувања во делот на противпожарната заштита, а на вториот ден присуствуваа градежните инженери. Предавањата предизвикаа широк интерес помеѓу инженерите засегнати со оваа проблематика но и кај фирмите производители на градежни матереијали. Вкупно на предавањата имаше преку 150 гости, а двата дена завршија со дружење и пригоден коктел.

Повеќе: Одржано предавањето на тема „Правилник за мерките за заштита од пожар и експлозии“