Во периодот од 28 јуни до 2 јули 2026 година, делегација на Комората на овластени архитекти и овластени инженери (КОАИ) учествуваше на Светскиот конгрес на архитекти UIA 2026 во Барселона, Шпанија – најзначајниот светски собир на архитекти, организиран од International Union of Architects (UIA).

Годинешната тема на конгресот „Becoming – Architectures for a Planet in Transition“ ги обедини водечките светски архитекти, урбанисти, научници и професионалци во дискусии за иднината на архитектурата, одржливоста, урбаните трансформации и улогата на професијата во создавање поквалитетна животна средина.

Повеќе: КОАИ на Светскиот конгрес на архитекти UIA 2026 во Барселона

Комората на овластени архитекти и овластени инженери продолжува да го зацврстува своето место како релевантна и влијателна професионална институција во регионот. Присуството на КОАИ во едно од најреномираните регионални стручни списанија од областа на инфраструктурата и инженерството претставува уште една потврда за растечкиот углед на Комората и за препознавањето на нејзината улога во развојот на инженерската професија.

Оваа регионална промоција е резултат на активното учество на КОАИ во меѓународни иницијативи, континуираното унапредување на професионалните стандарди и посветеноста кон современи инженерски практики, дигитализација, стручна едукација и меѓукоморска соработка.

Повеќе: КОАИ - препознатлив регионален партнер во инженерската заедница

Делегатите на Одделението за градежништво при Комората на овластени архитекти и овластени инженери (КОАИ), Панче Грков и Висер Палоши, учествуваа на 82. Генерално собрание на European Council of Civil Engineers (ECCE), кое се одржа 18 – 20 јуни во Брага, Португалија.

На Генералното собрание присуствуваа претставници на инженерските организации од повеќе европски држави, при што беа разгледани актуелни теми поврзани со прифатливо домување, изградба на домови, етички принципи во професијата, усогласување и ревизија на основни организациони документи.

Повеќе: КОАИ на 82. Генерално собрание на ECCE во Брага, Португалија

На покана на претседателката на Хрватската комора на градежни инженери (HKIG), Нина Дражин Ловрец, претседателот на Комората на овластени архитекти и овластени инженери на Република Македонија (КОАИ), м-р Дејан Метикош, учествуваше на XX. Денови на Хрватската комора на градежни инженери (HKIG), кои се одржаа од 11 до 13 јуни 2026 година во Опатија, Република Хрватска.

Јубилејното дваесетто издание на настанот, обедини бројни претставници на инженерските комори, академската заедница, државните институции и експерти од областа на градежништвото и инфраструктурата. Програмата опфати теми од особено значење за инженерската професија, меѓу кои: имплементацијата на националниот план за станбена политика, законската регулатива во градежништвото и просторното планирање, јавните набавки во секторот градежништво, дигитализацијата и BIM-пристапот, примената на вештачката интелигенција во градежништвото, втората генерација на Еврокодовите, сеизмичкото инженерство, климатските промени, инфраструктурните проекти и современите инженерски практики.

Повеќе: Зајакнување на регионалната соработка: КОАИ на XX. Денови на Хрватската комора на градежни...

Свечено собрание по повод Златниот јубилеј „50 години ДГКМ – Друштво на градежни конструктори на Македонија, предводници на градежното конструкторство“

На 12.06.2026 година, на Градежниот факултет во Скопје се одржа Свечено собрание по повод Златниот јубилеј „50 години ДГКМ – предводници на градежното конструкторство“, со кое беа одбележани пет децении од постоењето и дејствувањето на Друштвото на градежни конструктори на Македонија.

Повеќе: 50 години ДГКМ – Друштво на градежни конструктори на Македонија