Во деновите 28 и 29 Септември се одржа - 20 Симпозиум на Друштвото на градежни конструктори на Македонија. Овој исклучителен настан беше поддржан од Комората на овластени архитекти и овластени инженери во својство на коорганизатор. На тој начин Комората ја остварува основната статутарна определба – грижа за континуиран професионален развој на своите членови, преку воспоставување и развивање на соработка со професионални организации и здруженија.

Зададената тема на дваесеттиот симпозиум  „Отпорни конструкции“ беше вистински инкубатор на идеите содржани во професионалните презентации од светските познати домашни и странски експерти. 

Повеќе: Одржан 20 Симпозиум на ДГКМ - „Отпорни конструкции“

Комората продолжува со голем интензитет на одржување на обуки за Еврокодови и во месец октомври 2023 година.

Спроведувањето на обуките на инженерите значи вистински придонес кон приближување на државата кон Европската Унија. Имплементацијата на стандардите на ЕУ во градежните конструкции не само што ќе значи проектирање и градење на побезбедни објекти, туку и создавање на домашен инженерски капацитет кој ќе може да биде рамноправен учесник на евроскиот, а со тоа и на светскиот пазар. Резултатите од посветеноста на Управниот Одбор на Комората на чело со Претседателката Кристинка Чулак, веќе се очигледни преку перцепцијата за зголемениот дигнитет на инженерската професија и истовремено достојната валоризација на инженерскиот труд. 

Повеќе: Обуки за Еврокодови - октомври 2023

На 2 октомври 2023 година во просториите на Комората се одржa стручно предавање насловено: „Презентација на биоинженерски мерки“, во организација на канцеларијата на УНДП во Скопје. Презентацијата беше поддржана од Министерството за животна средина и просторно планирање и Швајцарската агенција за развој и соработка. На почетокот се обратија Потпретседателот на Комората Дејан Метикош и проектниот менаџер на УНДП – Љубица Теофиловска. Швајцарското искуство за глобалните случувања во Биоинженерските мерки и можниот пристап за спречување на ризиците од катастрофи и управувањето со водните ресурси го пренесе г-дин Маркус Цимерман, консултантот на УНДП. Тој нагласи дека решенијата (мерките) засновани на природата ја користат моќта на здравите екосистеми за заштита на луѓето преку оптимизирање на инфраструктурата и заштитата со стабилна и биолошка разновидност. 

Повеќе: Одржана презентација за биоинженерски мерки - УНДП

Почитувани архитекти, дизајнери и ентузијасти, со задоволство го упатуваме нашето срдечно добредојде на шестото издание на Меѓународниот форум за архитектура SHARE Скопје 2023. Овој долго очекуван настан ќе се одржи на 10 октомври 2023 година (вторник) во Филхармонијата на Република Северна Македонија, обединувајќи професионалци и ентузијасти од цела Европа кои ќе ја истражат атрактивната тема  „Добра архитектура за живеење: подобрување на животниот и работниот простор“.
SHARE Skopje е организиран од SHARE Architects, водечката мрежа на конференции за архитекти од Централна и Југоисточна Европа во коорганизација со Асоцијацијата на архитекти на Македонија и со институционалниот партнер - Комората на овластени архитекти и овластени инженери на Северна Македонија, во чие име ќе се обрати и Претседателката на Комората, архитект Кристинка Чулак.

Повеќе: - SHARE Скопје 2023 - 10 Окт 2023 (вторник)

Комората како членка на ИКОМОС Македонија ја пренесува објавата за симпозиумот ICOMOS CIF 2023 кој ќе се одржи на 12-ти и 13-ти октомври 2023 година во Атина (Грција), организиран во соработка со ICOMOS Hellenic и со покровителство на Националниот технички универзитет во Атина.  Темата на симпозиумот која ќе биде елаборирана првиот ден е со наслов „Дизајн, образование и обука за зачувување на изграденото наследство“, додека вториот ден е резервиран за посета на Акропол.

Повеќе: Симпозиум на ИКОМОС во Атина