На 15.12.2022 година, во организација на канцеларијата на UNDP во Македонија, со поддршка на Владата, се одржа Бизнис форумот насловен „Можности и предизвици за развој на приватниот сектор во услови на криза“ во хотелот Холидеј Ин.
Настанот претставуваше можност за отворен дијалог помеѓу различни претставници од бизнис заедницата и клучните институции за бизнис поддршка во државата. Тие имаа можност да ги разменат своите ставови и мислења околу механизмите за ефикасна поддршка во државата, но исто така и да слушнат за најновите мерки со кои регионот се справува со тековната економска и енергетска криза.

Повеќе: UNDP Business Forum and Open Dialogue

На 13.12.2022 година, во просториите на Комората на овластени архитекти и овластени инженери беше потпишан меморандум за соработка со Комора на трговски друштва за геодетски работи. Со овој меморандум се официјализираше соработката помеѓу овие две Комори, но се утврдени и начелата за взаемни активности во различни области на соработката. Меморандумот за соработка го потпишаа м-р Кристинка Радевски, Претседател на Комората на овластени архитекти и овластени инженери и м-р Никола Рибароски, Претседател на Комората на трговски друштва за геодетски работи.

Повеќе: Потпишан Меморандум за соработка Комората на геодетски компании

На 7 декември 2022 година во просториите на Комората, се одржа стручно предавање на тема „Принципи на пасивната противпожарна заштита“. На предавањето беа презентирани темите: Теоретски принципи на пасивната противпожарна заштита и Материјали и технологии за пасивната противпожарна заштита. Собирот го отвори м-р Кристинка Радевски, претседател на Комората на овластени архитекти и овластени инженери. Во своето обраќање ги поздрави присутните, ја афирмирше заложбата на Комората за унапредување на противпожарната заштита на објекти и информираше за работата на Стручната комисија за ревизија на регулативата за пожарна безбедност која работи во рамките на Комората.

Повеќе: Одржано стручно предавање: Принципи на пасивната противпожарна заштита

Министерството за транспорт и врски во соработка со Комората на овластени архитекти и овластени инженери Ве известува дека во четврток на 22.12.2022 година ќе се одржи Првата Испитна сесија за стручен испит од областа на урбанистичкото планирање за стекнување на Овластување за изработување на урбанистички планови (Соопштението на веб страната на Министерството за транспорт и врски).
Кандидатот кој ги исполнува условите согласно законските и подзаконските акти од областа на урбанистичкото планирање поднесува барање со пропратна документација согласно Правилникот во електронска форма до Комората на овластени архитекти и овластени инженери на електронската адреса: Оваа е-адреса е заштитена од спамботови. Треба да ви е овозможено JavaScript за да ја видите..

Повеќе: Соопштение за испитна сесија за стручен испит од областа на урбанистичкото планирање

По повод 20 години доделување на признанието Инженерски прстен на најдобрите дипломирани студенти Инженерската институција на Македонија и Комората на овластени архитекти и овластени инженери, започнуваат низа настани и активности со цел да се обележи овој значаен јубилеј.

Повеќе: 20 години Инженерски прстен - Дискусијата тема „Како до успешна академска кариера“