Комората како институционален партнер на SHARE Architects ја пренесува информацијата за потесниот избор од 71 дело што ќе се натпреваруваат за наградите од Централна и Југоисточна Европа за 2024 година.
Истовремено Комората упатува честитки до нашите членови - архитекти и инженери, дел од тимовите на „БМА – Бесиан Мехмети архитектс“, „Радо инженеринг “ и „Паралел груп архитектс“ кои влегоа во потесната трка за престижните награди и се официјални претставници на нашата држава.

Повеќе: Објавен потесен избор од 71 дело за SHARE Architecture Awards за 2024 година

Оваа година, по 18-ти пат, под покровителство на Претседателот на Р. Хрватска, во Опатија се одржаа Деновите на градежни инженери на Хрватска комора. Настанот, кој се одржа од 13 до 15 јуни 2024 година, собра бројни инженери, експерти и претставници на водечки компании од Хрватска и странство и уште еднаш обезбеди одлична платформа за размена на знаења, искуства и иновации меѓу експерти од градежната индустрија. Деновите на градежните инженери одамна се препознаени како најважен годишен собир на експерти од различни профили од областа на градежништвото. Тие вклучуваат семинари и тркалезни маси за речиси сите специјализирани гранки на градежништвото, регулативата и управувањето со проекти. На покана на Хрватската комора на градежни инженери, како претставник на Комората на овластени архитекти и овластени инженери на овој настан учествуваше Неџат Бајрами, м-р од областа на градежништвото – во својство на Претседавач на Собрание на КОАИ. 

Повеќе: Oдржани 18 Денови на градежни инженери на Хрватска комора во 2024 година

На 02.07.2024 во просториите на Комората беше одржана средба со претставници на организации, здруженија и академската заедница кои работат на тема NetZeroCities.
За време на средбата, главниот акцент на работната Агенда беше ставен на климатските проблеми и промени и активно справување со истите преку:
- изнаоѓање предлог решенија во градежната индустрија и избор на одржливи материјали и ублажување на последиците од истите или адаптација преку прифаќање на нови практики, бизнис модели и целосно интегрирање на принципите не циркуларната економија, преку намалување на отпад од градежната индустрија, реискористување на истиот, па сѐ до креирање регистар на материјали со зелени сертификати,
- како и неопходност од проширување на комуникацијата на сите нивоа, преку градење на свесност и знаење за секој чинител да може да допринесе за ублажување на климатските предизвици кои што се ограничувачки фактор за раст на економијата, како дополнително непотребно оптоварување на јавните финансии, а воедно и голема закана за животите на луѓето. 

Повеќе: ЗЕЛЕНО ЛИДЕРСТВО

Повеќе: 24. Салон за архитектура во Нови Сад

На 19 јуни 2024 година со почеток во 18:00 часот во Комората на овластени архитекти и овластени инженери се одржа промоцијата на книгата „Лексикон на странски сликари во Македонија во периодот 1850-1950 година“ заедно со изложба на слики – оргинали кои се дел од приватната колекција на Влатко Милошевски.
На почетокот се обрати Претседателката на Комората г-ѓа Кристинка Чулак која ја изрази подготвеноста на Комората секогаш да изглегува во пресрет на вакви исклучителни културни настани, а истовремено да подржува колеги како авторот Влатко Милошевски, кој е електроинженер по вокација.
Потоа се обрати авторот кој потенцираше дека „ентузијамот е заразен“, и како плод на тој ентузијазам е создадена оваа вредна збирка од еден значаен историски период за нашата држава (1850-1950). 

Повеќе: Oдржана промоција на „Лексикон на странски сликари во Македонија во периодот 1850-1950 година“