Македонската комора на овластени архитекти и инженери на 3 и 4 февруари 2017 год. во хотел ДУВЕТ, беше домаќин на своите колеги од Словенија, Хрватска, Србија, Црна Гора и Бугарија во рамки на редовниот состанок на Инженерската иницијатива за регионална соработка (ИИРС).

Инженерите од овие 6 регионални држави, преку своите инженерски комори работат на 6 заеднички проекти од интерес на инженерската струка, а македонската комора го води проектот за инженерските образовни квалификации и признавање на овластувањата помеѓу земјите членки на ИИРС.

Повеќе: Во Скопје се одржа состанокот на Инженерската Иницијатива за Регионална Соработка

Во Скопје на 3 и 4 февруари 2017 год. во хотел ДУВЕТ, ќе се одржи состанок на ИИРС - Инженерска иницијатива за регионална соработка. На овој состанок ќе присуствуваат покрај Комората на овластени архитекти и овластени инженери на Македонија и Инженерската Комора на Словенија, Комора на градежните инженери на Хрватска, (Комора на електроинженерите на Хрватска – придружен член), Инженерската Комора на Србија, Инженерска комора на Црна Гора, и Комората на Инженерите во Инвестиционото проектирање на Бугарија.

Повеќе: Состанок на Инженерската Иницијатива за Регионална Соработка во Скопје

На 27 јануари 2017 година, во Комората се одржа предавање од инженер Божидар Миљовски на тема „Грешки од геотехниката во фундирањето“, каде беа разгледани 26 случаи на грешки на Балканот и во САД. 

За предавањето имаше исклучителен интерес каде учество земаа повеќе од 90 инженери во Комората. Инженер Божидар Миљовски, презентираше дел од своето богато искуство и неговото задоволство од големиот интерес и после предавањето го искажа со тоа што најави дека соработка со Комората ќе продолжи и понатаму со нови слични предавања.

Доколку во текот или после предавањето останаа неодговорени прашања и дилеми Ве охрабруваме слободно да ги испратите на мејлот на Комората Оваа е-адреса е заштитена од спамботови. Треба да ви е овозможено JavaScript за да ја видите. а ние ќе ги препратиме до предавачот со вашите контакт информации за ваша понатамошна комуникација.

Фотографии од настанот:

Повеќе: Предавање на инженер Божидар Миљовски

На 22 декември 2016, по повод Денот на Комората, се доделија годишните награди од Комората за 2016 година.

Добитници на наградите оваа година се:

• Наградата за градежништво која го носи името на  Проф. д-р Александар Цане Ангелов ја добива инженер, Доц. д-р Денис Поповски
• Наградата за архитектура која го носи името на Проф. Борис Чипан за 2016 година ја добива, Проф д-р  Славко Брезоски
• Наградата за електротехника која го носи името на Проф. д-р  Станимир Јовановски ја добива инженер Драган Стефанов
• Наградата за машинство која го носи името на Проф. д-р Илија Черепналовски ја добива инженер Влатко Иванов
• За достигнувања во областа на геотехниката плакета од Комората се доделува на Проф. Наум Гапковски

Фотографии од настанот: 

Повеќе: Доделување на годишните награди од Комората за 2016 година

На седницата на Собранието на Комората одржано на 17 декември 2016 година, за нов Претседател на Комората е избран д-р Миле Димитровски. На одржаното тајно гласање, д-р Димитровски доби 39 гласа наспроти м-р Жаклина Ангеловска со 24 гласа. На гласањето имаше 8 неважечки гласачки ливчиња.

Д-р Миле Димитровски е дипломиран машински инженер, редовен професор на Машинскиот факултет при Универзитетот Свети Кирил и Методиј во Скопје. Автор е на 21 учебник/скрипти и на преку 70 научни трудови од областа на енергетиката, моторите, екологијата итн.  Во своето богато експретско искуство, бил носител на бројни признанија и награди од домашен и меѓународен карактер.

Му честитаме на новоизбраниот Претседател на Комората и му посакуваме успешен мандат.

Повеќе: Избран нов Претседател на Комората