Почитувани членови на Комората од одделението за урбанистичко планирање,

Ве информираме дека во последниот период имаше неколку измени на Правилникот за начинот на издавање, обновување и одземање на лиценците и овластувањата. (Официјална Информација)

Во Службен Весник бр.107/2016 од 06.06.2016 година, беше направена измена со што овластувањето за ревизија на урбанистички планови се печатат на образец од А-4 формат на специјална хартија со црвена боја, а овластувањето за изработување на урбанистички планови на А-4 формат на специјална хартија со портокалова боја.

Комората на оваа измена интервенираше во Министерството за транспорт и врски на РМ со што во Службен Весник бр.142/2016 од 01.08.2016 година, направена е нова измена и вратени се старите светло жолти бои за овластувањата за изработка и ревизија на урбанистичките планови.

Ги замолуваме сите членови кои имаат добиено овластување за изработка на урбанистички планови во портокалова боја, односно во црвена боја за ревизија на урбанистички планови, да се јават во Комората, каде без надоместок истите ќе им бидат заменети со овластувања со светло жолта боја согласно последната промена на Правилникот за начинот на издавање, обновување и одземање на лиценците и овластувањата од 01.08.2016 год.

Со почит,

Претседател на Комората
М-р Блашко Димитров, дипл.град.инж.

Во рамките на Инженерската иницијатива за регионална соработка во која учествуваат инженерските комори на Словенија, Хрватска, Србија, Црна Гора, Македонија и Бугарија реализиран е проектот „Упатство за спроведување на јавни набавки на инженерски услуги“. 

Упатството е материјал кој претставува патоказ за правилно давање инженерски услуги. Истото треба да е основа за промени во Законот за јавни набавки, со донесување на посебен закон за Јавни набавки на инженерски услуги, за што постои евидентна потреба.

Се надевам дека ова упатство ќе биде од полза на сите членови, а особено на инженерите кои се вклучени во постапките за јавни набавки.

• Допис до членовите од Претседателот на Комората
• Упатство за спроведување на јавни набавки на инженерски услуги

Претседател на Комората
М-р Блашко Димитров, дипл. град. инж.

Почитувани членови на Комората, 

Во прилог е огласот за избор на Претседател на Комората на овластени архитекти и овластени инженери на Република Македонија, кој завршува на 7 мај 2016 година.

Дополнително во продолжени Ви го доставуваме и Упатството за избор на Претседател на Комората каде се специфицирани сите детали за постапката за избор.

1) Упатството за избор на Претседател на Комората [PDF]
2) Оглас за избор на Претседател на Комората [PDF]

Комората на овластени архитекти и овластени инженери на Република Македонија, согласно член 16, став 14 од Законот за просторно и урбанистичко планирање , Сл.Весник на РМ бр.199/2015 го изработи "Ценовникот за урбанистичко плански услуги" кои ги даваат лиценцираните фирми за урбанистичко планирање.

Овој Ценовник е само предлог од Комората и истиот сеуште не е усвоен од Владата на Република Македонија.

Ве известуваме дека истиот можете да го користите само како упатство сѐ додека не биде потврден од Владата на Република Македонија и донесен Собранието на Комората. Ценовникот по негово донесување од Собранието на Комората и објавување во Службен весник на Р.Македонија ќе биде ставен во официјална примена.

Линк: Ценовник за урбанистичко плански услуги [PDF]

Роден како идеја на Publicomm, АРХИМАРАТОН (ARCHMARATHON) е прв интернационален настан од областа на архитектурата каде на едно место доведува 42 познати архитектонски студија од различни земји во светот. Прв пат, овој настан бил одржан во 2014 година во Милано, каде присуствувале повеќе од 1800 архитекти за 3 дена. Во 2015 година, настанот се одржал во Бејрут, каде фокусот бил поставен на Арапските земји и медитеранот, а привлекол повеќе од 8.000 архитекти и студенти за 3-дневниот настан. Архимаратон, оваа 2016 година се одржува во Милано од 13-15 Мај.

Секој оној кој има интерес да прочита повеќе за овој интересен настан, подолу можете да го погледнете нивниот билтен со новости...

Повеќе: Интернационална конференција АРХИМАРАТОН (ARCHMARATHON)